“In this world, it’s kill or be killed.” – Flowey

 

“Undertale гэж хөөрхөн жижиг тоглоом гарсан байна. Интернетээр ч нэлээн шуугьж. Талх шарагчинд минь ч яг тохирох тоглоом байна.” Гайхалтай аялал ийн эхэлсэн юм.
Хачин, уйтгартай puzzle эвлүүлж, оньс тайлж эхлүүлсэн ч төгсгөлд нь хэзээ ч мэдэрч байгаагүй тийм зүйлийг мэдрэв. Энэ л Undertale-ийн онцгой зүйл нь мэт. Миний хувьд Undertale бол яахын аргагүй шилдэг бүтээл.

Зохиол:
“Яагаад энэ дээр үеийн пиксел тоглоомыг ингэтлээ их магтаад байна вэ? Witcher 3 хүртэл IGN-ээс 10 оноо авч чадаагүй байхад энэ жижиг RPG тоглоом?!” Догдлуулсан үйл явдлууд, нэгийг бодогдуулах ярианууд, гайхалтай Soundtrack-ууд, сэтгэл догдлуулам төгсгөл, уур хүргэм хүнд үеүүд. “Энэ жижигхэн тоглоом тэгээд тийм гайхалтай байна уу?” гэвэл тийм ээ 🙂

Түүхээс товчхон танилцуулъя.

-Мангасуудын шорон болох доод ертөнцөд нэгэн хүний хүүхэд унаснаар тоглоом эхэлнэ. Таны эхний найз нэгэн цэцэг байх ба түүний нэрийг “Flowey” гэнэ. Цэцэгтэй таарч энэ ертөнцөд “ал эсвэл үх” гэсэн дүрэм үйлчилдгийг мэдсэн ч бусадтай нөхөрлөж, заримтай нь дайсагнаж, хэн нэгнийг хамгаалж эхэлнэ.

Энэ тоглоомд хүн мангасаас ч илүү аймшигтай амьтан гэдгийг харуулсан байлаа. Таны гол зорилго бол тэр харанхуй нүхнээс гарах. Тоглоом үргэлжлэх тусам таны зорилго өөрчлөгдөж бусад мангасуудтай холбогдож эхлэх болно. Жишээ нь ‘Ямаа ээжийн нөхрийг олох‘, ‘Фотошоп мангасыг устгах‘. Хачин зүйлүүд их бий шүү xD (Ахх үнэндээ Undertale-ийг спойлердохгүй ярьж чадахгүй нь. Welp)

Анхны сэтгэгдэл:
Юу мэдэрч байснаа хэлэх их хэцүү байна. Хачин joke хийдэг араг яс, зогсоо зайгүй чалчих түүний дүү, уйтгартай ‘ази’ жаал (нүд нь үргэлж аниатай байдаг болохоор л), яах гээд яваад байгаа нь мэдэгдэхгүй түүх гээд л. Зүйлс тоглоом үргэлжлэх тусам сонирхолтой болж ирсэндээ. Та item хэсэгт санаа зовох хэрэггүй. Учир нь тэнд цасан хүний хэлтэрхий, ядаргаатай нохой, чихрийн хэсэг, аалзны тор ихэвчлэн байх болно. (Спойлер биш ээ :P)

Мангасууд ч бас зүрх сэтгэлтэй:
Хэдий хөгжилтэй, инээдтэй эсвэл тэнэг зүйлсээр дүүрэн ч сэтгэлд хүрч чадах зүйл бас бий. Ил биш ч харилцан яриан дундуур нууц, далд утгатай зүйл өчнөөн бий.

“Echo flower”
Өөрийн хүслээ хэлэхээс ичиж байсан нэгэн мангас: “Мангасуудыг хорьсон энэ газраас гарч, уул өөд авиран ертөнцийг хармаар байна” – цэцэг инээхгүй гэж амласан ч өөрийн эрхгүй инээчихлээ. Харин дараа нь цэцэг: “Уучлаарай, инээдтэй байлаа… Миний хүсэл ч мөн адил.”

Again, again, again and again:
Энгийн харилцан яриа хийгээд явахгүй. Дайсантай таарч, дайралтаас нь бултаж, зөрүү цохилт хийх маягаар явна. Аа бас таныг уйдаахгүй. Харин ч уурыг тань барах байх. Мангасуудын сэтгэл санаа, байгаа байдал, дуртай дургүй зүйлсээс нь хүртэл хамаарч та тулалдах болно. Тэдэнтэй ярьж эвийг нь олох, flirt хийх, тоглох, эсвэл зугтааж болно. Харин энэ бүгд тоглоомын төгсгөлд нөлөөлж байгаа гэдгийг битгий мартаарай 😉

Determination:
Монгол хэлэнд шийдэмгий байдал гэж орчуулагдах энэ үгийг би яаж ойлгосон бэ гэвэл “хэзээ ч бүү бууж өг“. Үхэл бүрийн тань араас дагалдах энэ үг “Чи ингээд буугаад өгчхөж болохгүй! Чи үүнийг хийж чадна! Зорилгодоо хүр!” хэмээн таны толгой дотор хэнгэрэг дэлдэх болно. (Өмнө нь хэлсэн шиг тоглоомын эхний төгсгөлд үйлчлэхгүй байж магад. Харин жинхэнэ мангас… биш ээ жинхэнэ Чөтгөр-тэй таарсан хойноо та энэ үгнээс хэзээ ч салахгүй!)

Энэ нь таалагдахгүй байна:
Хмм энэ тоглоомыг дуусгасныхаа дараа бодсон ганц зүйл гэвэл “Үргэлжлэл нь хаана байна аа?! Энэ сайхан тоглоомд яагаад 2 дугаар анги байхгүй байгаа юм бэ? Хэзээ гарах вэ? Эсвэл нууц төгсгөл гэж байгаа юм уу?”. Тийм ээ, таалагдахгүй байгаа юм нь энэ л байна. Фенүүдийн хийсэн тоглоомыг нь тоглоод, артуудыг нь үзээд, дууг нь сонсож л тэр ‘2 дугаар анги’ хүссэн сэтгэлээ дэвтээж явна даа xD Бас тэр тайлагдахгүй байгаа хачин нууцуудад нь дургүй хүрч байна! Гэхдээ ингээд бодвол 2 дугаар анги гарах л байх :3

Эцэст нь:
Тийм ээ, та тоглож үзэх хэрэгтэй! Инди-тоглоомд дуртай бол заавал таалагдах болно! Эхэндээ дасаж өгөхгүй, эвгүй байж магадгүй. Гэхдээ төгсгөлд нь… 🙂

– Аизү

IGN – “It might not be pretty, but Undertale is absolutely a work of art. 10/10”